بعد تصريحات يوسف الشريف… نيللي كريم: كل إنسان حر في اختياراته..وكل حاجة ليها أصولها في التصوير

علقت الفنانة نيللي كريم على الجدل الذي أثير مؤخرا بسبب تصريحات الفنان يوسف الشريف، بشأن رفض تقديم المشاهد الساخنة في أعماله الفنية.
أكدت نيللي خلال مداخلة هاتفية مع الإعلامي وائل الإبراشي والإعلامية نجوى إبراهيم، ببرنامج “التاسعة” عبر القناة الأولى المصرية، أن كل إنسان حر في اختياراته، وكذلك من حوله أحرار في العمل معه أم لا، مضيفة: “أنا بحب السينما الحقيقية اللي فيها مشاعر حقيقية، يعني لو أنا بعمل قصة روميو وجوليت مش هينفع حضرتك تحبني وأنت بعيد عني 5 متر بتبصلي، مينفعش حد حبيبته بتموت ومش هينقذها، كل واحد حسب العمل الفني اللي في دماغي، كل حاجة ليها أصولها في التصوير”.

تابعت: “أنا من الناس مبحبش أعمل مشاهد أكون خجلانة منها، آه أحب أعمل أفلام عن الحب بس لازم أكون واثقة في المخرج اللي معايا إنه هيطلعه بشكل كويس.. أفلام زمان كان فيها قبلات وأحضان وكانت بطريقة لطيفة مش مبتذلة، دي السينما النظيفة بجد، نظيفة المشاعر”.
أضافت: “لما عملت فيلم (678) للمخرج محمد دياب كان عن التحرش، الفيلم ده محدش لمس بنت فيه، أنا شخصيا محدش لمسني مع إن كان عندي مشهد اغتصاب، وأصلا لا قولت محدش يقرب ولا يبعد، دي كانت رؤية المخرج اللي نفذها باحترافية شديدة، لأن دي وجهة نظره”.

كانت نيللي كريم قد شاركت في رمضان 2020 بمسلسل “بـ100 وش” بطولة آسر ياسين وعلا رشدي وإسلام إبراهيم ومصطفى ‏درويش ‏وشريف ‏دسوقي ومن تأليف عمرو الدالي وأحمد وائل، وإخراج كاملة أبو ذكري‏‎.

الاولى نيوز-متابعة