“سيف الفتلاوي ” مروض الحيوانات المفترسة (صور)

“حبي إلهن يدفعني انو أبات يمهن أشهر طويلة حتى أروضهن وأداريهن”
سيف الفتلاوي، مروض حيوانات مفترسة في حديقة الزوراء ببغداد، يقول: “أكثر شي يفرحني من تصير ولادات عدنا، صارت ولادات لأندر أنواع الاسود اللي هو الأسد الأبيض، وأكثر ما يزعجني هي الحملات اللي كل فترة تنطلق ضدنا واحنا موفرين كل الاجواء الملائمة للتربية.
بدايتي كنت أربي كلاب وأفاعي. بسنة ٢٠٠٨ اشتغلت بالزوراء كمروّض للنمور اللي تمتاز بمزاجها الحاد، لكن حبي إلها هو أكبر حافز، وراها استلمت ترويض الأسود ومستمر باكتساب الخبرة بكل يوم يمر ويّه هاي الحيوانات الممتعة.
نصيحتي للي يزور الحديقة ويحب يستمتع: ميأذي الحيوانات ويشمر حجار أو مفرقعات، لأن أغلب الأحيان نضطر لعزل الحيوانات بسبب هاي التصرفات. ونصيحتي للي يربي حيوان مفترس: لا يربي لأن خطر كلش، وثاني شي الي يريد يربي لازم يوفره مكان وأجواء مناسبة. احنه نستمر بتواجدنا وياهن لأشهر ونرضعهن رضاعة اصطناعية، وعدنا كادر بيطري كفوء جداً وخبرة بالحيوانات البرية”.

المصدر: صفحة “اللطيفية”