الاولى نيوز/ اشعار
علّيت الإسلام انته وعلي اتسميت … يمن علة اصبحت والكفر عليته
كلّك معجزة من راسك الرجليك … تاريخك سما وبالشمس خطيته
نولدت ابكعبة الله وفزت على الحجاج … عمرك ثانية وبيت الله حجيته
خيبر شنهو خيبر سال بيدك خوف … طاست ماي صـــــــار وهيــج بديته
وابن ود من عبر جا غير بيك احتار … ضــــــــــــاع وتـــاه بيك وانته دليته
بيمنته ويسرته وجن جبل ليكَدام … فر راسه وشرد هم انته لاكيته
ورجعت الزمن طكيته بالفقار … حد ســــــــابع ظهر بالكاع وديته
غيرة انته عركت حد قبضة الفقار … وصعدت بيه الغيرة وراسه طكيته
ذو الفقار امام اعله الصلاة مفطوم … وجفوف الفتحة فوكه ويدعي خليته
اللهم اهــــــــدِ المنخلق من طين … الطين تبدلك ولهـــــــــذا كرّيته
وما تنسه اليتامه بلحظة يالكرار … وحت وكت الحروب الأمر ساويته
جف كظ الحرب بالجثث هز الكاع … وعله روس اليتامه الثاني مشيته
العراق عمامة صار الراسك المطبور … وصبح جند الوطن صرت انته بيريته
طبرتك حكمة الله الراد دمك سيل … مد جفه الوطن بدمـــــــــاك حنيته
ولهذا العراق مكابر وميطيـــــــح … من دمك لأن مــــــــــــاخذ عراقيته
روح البيت ركضت من رحت للموت … ماشايف بشر يركض وراه بيته
ادري الموت حق مو لأجل هاي امشيت … الحق انتـــــــــه اذا ترجعله لو جيته
بس تدري الكفر ربك حياه بالنار … رحتله وبالفقار واهناك طرّيته
