الفنانة الاء حسين : يجب ان يكون تصريح واضح وإعلان ازمة حقيقية-بالصور
عبرت الفنانة الاء حسين عن رأيها بخصوص فيروس كورونا والتجهيزات الطبية الضعيفة ومن خلال حسابها في مواقع التواصل الاجتماعي كتبت عن اقتراح ينص على ان :
لازم يصير تصريح واضح وإعلان ازمة حقيقية
-تنفيذ خطة طوارىء وطلب متطوعين ومتبرعين وتدريبهم من قبل كوادر طبية
-اعداد الكوادر في خط الصد الامامي ماتوازي اعداد المصابين المتزايدة بشكل مخيف
– بالمستشفيات الناس متجلطة بالكاع ، وقناع الاوكسجين من شخص الى اخر بسبب النقص والي يموت يتعاركون على سريره
-الكوادر ديتعبون حد الانهيار وتجهيزاتهم ضعيفة
-بغداد ما انضافت بيه مستشفى حكومية من جان تعداد العراق ١٧ مليون
-لهذه الاسباب المصابين صارو يخافون من المستشفيات ويبقون ببيوتهم ويعدون عوائلهم
-لو لا بعض الجهود الفردية وخطوات العتبات المقدسة وفرقة الامام علي وكلها مؤسسات لاتتبع وزارة الصحة الا ان السيد وزير الصحة المحترم اكد اعتماده عليهم
بتصريح انيق خلف المنصة في صالات مكيفة اننا مستعدون لاستقبال الاعداد دون اتخاذ خطوة عملية من المؤسسات المهترئة
تطبيقا للمثل الي يكول
(الكرعة تتباهى بشعر اختها)
الناس دتموت والاعداد في تضاعف والعراق بالمرتبة ٣٦ عالميا من حيث اعلى ازدياد باعداد المصابين
من الاخير وخلي يعذروني جماعة انشرو الايجابية والتفاؤل…بالعراق
لو تتوقى وتحدد طلعاتك لو تنعدي وتموت او مناعتك تنقذك
النا الله وبس
انتهى
الاولى نيوز-متابعة
