تفاصيل صدام محمد رمضان وعمرو أديب.. “هعرف أربيك”
تطور الخلاف سريعا بين الفنان المصري محمد رمضان، والإعلامي عمرو أديب، ما دفع الأخير للتهديد باللجوء إلى القضاء.
بدأت الأزمة عندما هاجم الإعلامي المصري عمرو أديب عبر برنامجه “الحكاية” الفنان محمد رمضان، بعد نشره مقطع فيديو أثناء إلقاء الدولارات في المياه، عقب صدور حكم قضائي يلزمه بسداد 6 ملايين جنيه لصالح طيار مصري.
ووجه عمرو أديب انتقادات شديدة لـ”الأسطورة” قائلا: “يا محمد اللي نحسبه موسى يطلع فرعون، الأستاذ (نمبر وان)، أثار حفيظة عدد كبير من الناس اللي بتحبه، الراجل ده بصراحة بقى عدو نفسه، مش قادر أفهم، دماغه بقى فيها إيه وبيفكر إزاي.. يا (نمبر وان) إنت مش ملاحظ إن بقالك سنة بتعمل مصايب”.
وأضاف عمرو أديب: “الناس اللي إنت استفزتها دي سامحتك كثير، كل ما يحصل حاجة يقولك لا ميقصدش.. إنما الموضوع المرة دي الناس مش مستحملاه.. إنت ربنا بارك لك وبقى عندك فلوس ومش إنت لوحدك اللي عندك فلوس، فيه ناس كتير عندها فلوس وأدك 100 مرة ومبيعملوش كده”.
وأضاف: “إيه المانع إنك تعتذر للناس وتقول مقصدتش، شوف الناس بتحب خالد النبوي إزاي، وقلقانة على حالته الصحية”.
ولم يتحمل محمد رمضان هجوم عمرو أديب، وقرر الدخول في مواجهة جديدة، وقام بنشر مقطع فيديو من مسلسل “الأسطورة” إنتاج عام 2016، وهو يدفع أحد الأشخاص بعيدا عنه، ووضع صوت عمرو أديب في الخلفية، ورد عليه بجملة “بس يا بابا”.
https://www.instagram.com/p/CNfiwrZhlLY/?utm_source=ig_web_copy_link
بدوره اعتبر “أديب” تصرف رمضان تجاوزا كبيرا وهدد بمقاضاته قائلا: “لو محدش رباك أنا هعرف أربيك، البلد دي فيها قانون يسري على الجميع.. أنت مش أحسن من ناس كتير، ربك كريم وأنا هاخد حقي بالقانون.. الأيام الجاية نكد، خلينا نروح المحاكم وناخد حقنا”.
وقال عمرو أديب في حلقة الأحد من برنامجه “الحكاية” على قناة “MBC مصر” إنه ليس لديه أي مشكلة في الخلاف مع أي شخص، لكن عند وصول الأمر إلى هذا الحد، فإن القانون يأتي بالحق لأصحابه كما فعل مع بعض الناس خلال الأسبوع الماضي، في إشارة منه إلى قضية الطيار أشرف أبواليسر.
واختتم رسالته بقوله:”طلبت من المحامي الخاص بي رفع قضية على الفنان محمد رمضان، وأي فلوس سأحصل عليها منه، سأتبرع بها لمستشفى الأطفال في أبوالريش.. أنا مش من النوع اللي ياخد حقه بالتجاوز، ويا أنا يا أنت”.
يذكر أن محمد رمضان ينافس في رمضان بمسلسل “موسى” تأليف ناصر عبدالرحمن، وإخراج محمد سلامة، ويشاركه البطولة سمية الألفي، رياض الخولي، منذر رياحنة، عبير صبري.
الاولى نيوز-متابعة
