قصص من الواقع
أسمي كرار من البصرة وجنت اضحك
“مرحبا! أنا اسمي كرار من منطقة العنبري بالبصرة. عمري تقريباً راح ادخل بـ ١٧ سنة. كلش أحب كرة القدم، وللعلم أنا متميز بدراستي، بس للأسف چنت واگف يم أبوي نسولف ونشاقه وچنا نضحك وأجت طلقة مجهولة المصدر برأسي وكتلتني وهسه أنا ميت وأبوي يبچي عليّه وأمي ماعرف شنو حالها كساع تفقد الوعي، وأنا حالياً بالجنة أريد أبلغ سلامي للي رمى وأگله ليش هيچ رميت؟ ليش كتلتني بدون ذنب؟ ليش فجعت أهلي؟ ارتاحيت من رميت بسلاحك وكتلتني؟ ما راح احچي شي نتحاسب يم رب العالمين، وإذا الحكومة تشوف كلامي فحبابين هواي مثلي ماتوا بسبب السلاح المنفلت. إلى متى نبقى نموت وأنتوا ساكتين؟ حسبي الله ونعم الوكيل عليكم.
تاريخ وفاتي ٢٥/٢/٢٠٢١”
المصدر : صفحة يلا
